Policia e Kosovës, të martën në Loxhë të Pejës, ka arrestuar një grua të dyshuar për kryerjen e veprës penale “Mashtrim”.
Në njoftim thuhet se e dyshuara, gjatë periudhës kohore 2022/2024 ka mashtruar persona të ndryshëm duke ju premtuar sera të xhamit në formë të subvencionit, por që palët paraprakisht janë obliguar të paguajnë nga 300 deri 400 euro, me qëllim të sigurimit të transportit dhe montimit të tyre.
Lidhur me rastin gjatë bastisjes janë sekuestruar si prova, një laptop, një vulë, disa folldera me dokumente të ndryshme (si kontrata dhe fletëpagesa), si dhe një telefon.
Po ashtu, bëhet e ditur, se gjatë punës hetimore janë identifikuar dhe intervistuar disa persona si palë të mashtruara dhe vlera e dëmit të përgjithshëm konsiderohet rreth 30 mijë euro.
Ndërsa, e dyshuara pas intervistimit në prezencën e avokatit të saj, me vendim të prokurorit është ndaluar për 48 orë./teve1.info/
