Policia në Morinë ka arrestuar një person nga Peja, i cili tentoi të transportonte lëndë narkotike të ndara në pako.
Policia e Shqipërisë ka njoftuar se kanë sekuestruar 11 kilogram lëndë narkotike, e dyshuar si heroinë.
“Sekuestrohen 11 kilogramë lëndë narkotike e dyshuar heroinë dhe automjeti tip “Volksëagen” ku u gjet kjo lëndë. Strukturat e DVP Kukës, në bashkëpunim me shërbimet doganore të PKK Morinë, me shërbimet e Policisë Kufitare të Morinës dhe të Kosovës, bazuar në informacionet e siguruara nga inteligjenca policore, për një rast të tentativës për të trafikuar lëndë narkotike, kanë organizuar dhe finalizuar operacionin policor të koduar “Koordinimi”. Gjatë operacionit, në hyrje të Shqipërisë, u kap në flagrancë dhe u arrestua shtetasi kosovar A. K., 39 vjeç, banues në Pejë”,thuhet në postimin e tyre në Facebook..
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./teve1.info/.