Zëdhënësja e Policisë Florie Ahmeti ka bërë të ditur për teve1.info se viktima është dërguar për trajtim mjekësor, pas lëndimeve të marra.
“Sot rreth orës 14 :30, kemi marrë informatën se në Fakultetin e Mjekësisë, në Prishtinë, një person është sulmuar fizikisht. Policia menjëherë ka dalë në vendin e ngjarjes dhe bazuar në të dhënat e deritanishme në këtë rast, lëndime trupore ka pësuar një person (femër), e cila është dërguar për trajtimin e nevojshëm mjekësor”, tha Ahmeti.
Ahmeti shtoi se i dyshuari është arrestuar dhe është shoqëruar në stacion policor për intervistim.
Lidhur me këtë rast, mediat në vend kanë raportuar se viktima është Hatixhe Latifi Pupovci, profesoreshë në Fakultetin e Mjekësisë, njëkohësisht edhe bashkëshortja e zëvendësministrit të Arsimit, Dukagjin Pupovci. /Teve1.info/
