Sipas PK-së, para dy ditësh, në rrugën “Agush Gjoci” në Pejë, një nënë së bashku me fëmijë po mbaheshin mbyllur pa dëshirën e saj në shtëpi.
“Policia menjëherë iu është përgjigjur vendit të ngjarjes, nga aty kanë marrë viktimën së bashku me fëmijën, të cilët janë dërguar për tretman mjekësor në Spitalin Rajonal në Pejë. Viktima deklaron se është mbajtur e mbyllur pa dëshirën e saj nga i dyshuari tri (3) ditë”, është thënë në njoftimin e Policisë.
Policia ka shtuar se lidhur me këtë rast ka arritur të arrestojë të dyshuarin M.D i lindur më 1966, dhe i njëjti është dërguar në ndalim për 48 orë. /Teve1.info/
