Policia e Kosovës ka njoftuar se ka arrestuar një person për shkak se i njëjti kishte gjetur një portofol me para dhe nuk e kishte raportuar askund.
Rasti ka ndodhur në një pompë derivatesh më magjistralen Podujevë–Prishtinë
Sipas PK-së, personi të cilit i kishte humbur protfoli ka deklaruar se kishte para në vlerë 800 euro, ndërsa që pas zbulimit të rastit protfoli i është kthyer me 500 euro.
“Është raportuar se një i dyshuar mashkull kosovar, ka gjetur një portofol në parkingun e një pompe derivatesh që i kishte rënë viktimës mashkull kosovar dhe në të sipas tij kishte para 800 € dhe dokumente. I dyshuari nuk ka raportuar askund gjetjen e parave, ai është identifikuar e arrestuar dhe me vendim të prokurorit është dërguar në mbajtje. Viktimës i janë kthyer portofoli me 500 euro para”, thuhet në raportin 24- orësh .
