Policia ka arrestuar një person në Prishtinë, i cili dyshohet se pas një mosmarrëveshje në komunikacion ka goditur me thikë një person tjetër duke i shkaktuar lëndime.
Sipas njoftimit rasti ka ndodhur të hënën, ndërsa i dyshuari është dërguar në mbajtje.
“Është arrestuar i dyshuari mashkull kosovar për shkak se pas një mosmarrëveshje në komunikacion dyshohet ta ketë goditë me mjet të mprehtë – thikë viktimën mashkull kosovar, i cili si pasojë e kësaj ka marr tretman mjekësor. Është konfiskuar thika e cila dyshohet të jetë përdorë në rast, kurse i dyshuari pas intervistimit me vendim të prokurorit është dërguar në mbajtje”, thuhet në raportin 24 -orësh.
