Sipas njoftimit, i arrestuari është dyshuar për pjesëmarrje në një grup kriminal të organizuar dhe ka kryer vepra penale sipas Kodit Penal të Kosovës.
“Prokuroria Speciale njofton se i pandehuri M.M., dyshohet si anëtar i grupit kriminal të organizuar ka marrë pjesë aktive në kryerjen e veprave penale ‘’Pjesëmarrje ose organizimi i grupit kriminal të organizuar’’ nga neni 283 paragrafi 3 lidhur me paragrafin 1 të KPRK-së, lidhur me veprat penale ‘’Vrasje e rëndë’’ sipas nenit 179 paragrafi 1.9, të KPRK-së, në vrasjen e tani të ndjerit Oliver Ivanoviq, së bashku edhe me të akuzuarit e tjerë N.S., M.R., R.B dhe S.A., ku për të cilët është duke vazhduar gjykimi në Gjykatën Themelore në Prishtinë”, thuhet në njoftim.
Po ashtu, sipas komunikatës, i njëjti që nga fillimi i vitit 2019 ka qenë i paarritshëm për organet e ndjekjes, edhe pse ka pasur Urdhërarrest në fuqi, dhe më datë 19.10.2022, në orët e mbrëmjes është arrestuar nga Policia e Kosovës.
Oliver Ivanoviq ishte vrarë më 16 janar të vitit 2018 rreth orës 8:00, duke hyrë në zyrën e tij në rrugën ‘Sutjeska’ në veri të Mitrovicës.
