Policia e Kosovës ka njoftuar se ka arritur të identifikojë dhe të arrestojë të dyshuarin i cili ishte i përfshirë në një rast të sulmit fizik në Fushë – Kosovë.
Sipas Policisë, viktima ditë më parë ishte sulmuar me mjete të forta nga disa persona të cilët ishin larguar nga vendi i ngjarjes.
Me ç’rast viktima ende është duke u trajtuar në Qendrën Klinike Universitare të Kosovës.
Derisa pas intervistimit i dyshuari me urdhër të prokurorit është dërguar në mbajtje.
“Si pasojë e lëndime të marra, viktima është duke marrë tretman mjekësor në QKUK-ë. Pas zhvillimit te hetimeve, më datë 20.12.2023 është arritur te identifikohet dhe arrestohet i dyshuari mashkull kosovar i përfshirë në rastin e lartcekur dhe pas intervistimit me vendim të prokurorit kujdestar dërgohet në qendrën e mbajtjes”, thuhet në raport./teve1.info./
