Kështu ka bërë të ditur Prokuroria Themelore në Gjilan duke treguar se kanë autorizuar Policinë pas njoftimit se në media është duke qarkulluar një video incizim ku shihet i dyshuari duke sulmuar një person tjetër në veturë.
Sipas komunikatës, Fero pas intervistimit me vendim të prokurorit është ndaluar për 48-orë.
“Prokuroria Themelore ne Gjilan, pas njoftimit që në media është duke qarkulluar një video incizim ku shihet një person duke e sulmuar një person tjetër në veturë, në qytetin e Gjilanit, menjëherë ka autorizuar Policinë e Kosovës -Hetuesit në Stacionin Policor në Gjilan, ku të njëjtit edhe e kanë bërë identifikimin e të dëmtuarit dhe të pandehurit, dhe pas intervistimit të tyre me vendim të prokurorit të shtetit , është ndaluar për 48-orë i pandehuri F.SH, me dyshimin e bazuar se i njëjti më datë 24.07.2022, ora 17h, ka kryer veprën penale, Sulm nga neni 184 i KPRK-ës”, thuhet në njoftim./teve1.info/
