Arianit Sllamniku është arrestuar dhe ndaluar për 48 orë.
Lajmi është konfirmuar nga Prokuroria e Gilanit për teve1.info.
“Ju njoftojmë se Prokuroria Themelore në Gjilan me Aktvendim ka ndaluar për 48 orë personin me inicialet A.S. Prokuroria Themelore në Gjilan do të ju mbajë të informuar me veprimet e mëtutjeshme dhe ju falenderon për bashkëpunimin tuaj”, thuhet nga Prokuroria.
Sllamniku dyshohet për veprat penale “Ushtrim të kundërligjshëm të veprimtarisë mjekësore ose farmaceutike” nga neni 256 i KPRK-së dhe “Eksperimente të kundërligjshme mjekësore dhe testime të barnave” nga neni 257 i KPRK-së.
Gjatë ditës Policia e Kosovës ka konfirmuar nisjen e hetimeve ndaj tij.
