Aktivistja e Partisë Socialdemokrate (PSD), Donjeta Demolli, është arrestuar minuta më parë, për shkak që e njëjta dyshohet se tentoi ta pengojë fjalimin e kryeministrit të Kosovës, Albin Kurti, i cili po fliste në ceremoninë e hapjes së “Ulpiana Forum”.
Kryetari i PSD-së, Dardan Molliqaj, e cilëson të papranueshëm arrestimin e aktivistes, duke kërkuar që menjëherë të lirohet.
PSD-ja përmes një aksioni tentoi t’ia ndërpriste fjalën e kryeministrit, Albin Kurti gjatë “Ulpiana Forum”, të enjten.
”Pe bon Zajednicën, pe don pushtetin”, ishte parulla.
“Albin Kurti e di më mirë se kushdo: nuk mund të ketë qetësi e normalitet, me Zajednicën që po ia sjell Kosovës. E mbase kjo po i pengon më së shumti. Kërkojmë menjëherë lirimin e aktivistes së PSD-së Donjeta Demolli”, thuhet në reagimin e Molliqajt./teve1.info/
