Një 41-vjeçar është arrestuar nga Policia e Kosovës, pasi që i njëjti dyshohet se është i përfshirë në një rast të vjedhje së rëndë, që ka ndodhur në Fushë-Kosovë.
Policia thotë që rasti ka ndodhur më 20 prill, në një shtëpi në Fushë-Kosovë, ku janë vjedhur stoli ari në vlerë të 20 mijë eurove, si dhe janë shkaktuar dëme të tjera materiale.
E.Xh., është arrestuar në Vushtrri, sot, rreth orës 06:00, nga zyrtarët policor të stacionit të Fushë-Kosovës.
“Pas përfundimit të procedurave të nevojshme policore me vendim të prokurorit, është proceduar te zyrtarët e stacionit policor në Vushtrri, pasi ndaj tij, janë aktive dy urdhëresa të gjykatës”, thuhet në njoftimin e Policisë së Kosovës. /teve1.info/
