Policia e Kosovës gjatë një bastisje në dy lokacione të ndryshme në Gjakovë dhe në Prizren, ka arritur ta arrestojë një 38-vjeçar nën dyshimin se ka kryer vjedhje me vlerë mbi 21 mijë euro në Prizren.
Sipas njoftimit të policisë, i dyshuari në një banesë ka vjedhur stoli arë në vlerë rreth 15 mijë euro, para të gatshme rreth 3 mijë euro si dhe 7-8 çanta krahu të gjinisë femërore me marka të ndryshme në vlerë 3 mijë euro.
Policia ka bërë të ditur se vlera e përgjithshme e dëmit të deklaruar është rreth 21 mijë euro.
“Më datën 04 nëntor 2025, Sektori Rajonal i Hetimeve pranë DRP Prizren ka pranuar një rast të Vjedhjes së Rëndë, i cili ishte raportuar më 03 nëntor 2025 në Stacionin Policor Prizren. Sipas deklarimeve të viktimave, nga banesa e tyre janë vjedhur: Stoli ari në vlerë rreth 15,000 €, Para të gatshme rreth 3,000 , 7–8 çanta krahu femërore me marka të ndryshme në vlerë rreth 3,000 €, vlera e përgjithshme e dëmit të deklaruar është rreth 21,000 €. Pas një pune intensive hetimore, më datën 12 nëntor 2025 janë realizuar dy bastisje në lokacione të ndryshme, në fshatin Doblibare (Komuna e Gjakovës) dhe në rrugën “Ëilliam Ëalker” në Prizren. Gjatë intervistimit, pas ballafaqimit me prova, i dyshuari ka pranuar kryerjen e veprës penale të Vjedhjes së Rëndë më datën 31 tetor 2025. Me aktvendim të Prokurorit të çështjes, i dyshuari ndalet në ndalim policor për 48 orë” , thuhet në njoftimin e policisë./teve1.info/
