Një 24-vjeçare është arrestuar në Prishtinë pasi që e njëjta dyshohet për keqpërdorimin e kartelave të bankës apo të kreditit.
Sipas njoftimit të policisë, ky rast është iniciuar për veprën penale “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit”.
“Prishtinë, 25 Shtator 2025- Drejtoria e Policisë së Kryeqytetit pas një pune hetimore dhe operacionale ka arritur identifikimin dhe arrestimin e një personi të dyshuar, për disa raste që kanë të bëjnë me keqpërdorim të kartelave bankare.Njësiti i Hetimeve të Kryeqytetit ka realizuar me sukses punën hetimore, duke arrestuar të dyshuarën A.G, 24 vjeç dhe në koordinim me prokurorin është iniciuar rast për veprën penale “Lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit”, thuhet në njoftimin e Policisë./teve1.info/
