Zyrtarë policorë nga Drejtoria për Hetimin e Trafikimit me Narkotikë, Njësia e Prizrenit, pas një punë hetimore në teren, nën dyshimin për përfshirje në trafikim me lëndë narkotike, kanë arrestuar të dyshuarin H.K., 31 vjeçar.
Sipas njoftimit, në konsultim me prokurorin janë kontrolluar dy lokacione, përkatësisht banesat e të dyshuarit, ku gjatë kontrollimit në njërën banesë janë gjetur dhe sekuestruar substancë narkotike, dyshohet të jetë e llojit kokainë, me peshe 4 kg e 440 gr., dy peshore, 260 euro dhe dëshmi tjera relevante për rastin.
Po ashtu, në pikëkalimin kufitar Hani i Elezit janë arrestuar edhe dy të dyshuar tjerë: I.H., 57 vjeçar dhe e dyshuara E.R., 30 vjeçare, ndërsa janë konfiskuar edhe dy vetura, njëra me targa belge e tjetra vendore.
Ndaj të dyshuarave është iniciuar rasti ‘Blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’.
Lidhur me rastin tre të dyshuarit me aktvendim nga prokurori janë dërguar në mbajtje deri në 48 orë.
