Policia e Kosovës ka njoftuar se ka arrestuar tre persona si të dyshuar për trafikim me njerëz, dhunim dhe armëmbajtje pa leje.
Në raportin policor thuhet se pas një pune operative hetimore është identifikuar një e mitur e cila ishte raportuar e zhdukur.
Njëri nga të dyshuarit thuhet se është arrestuar në Prishtinë, ndërsa gjatë kontrollit në veturën e tij janë gjetur një armë, 5 fishekë, dhe 1 gëzhojë fisheku.
Dy të dyshuarit tjerë sipas Policisë janë arrestuar në Vushtrri.
“Sektori Qendror i Hetimeve pas një pune operative hetimore ka identifikuar viktimën femër kosovare (e mitur), e cila ka qene e raportuar e zhdukur. Me dyshimin e bazuar për kryerjen e veprës penale të lartcekur është arrestuar i dyshuari mashkull kosovar. Gjatë kontrollit të veturës së të dyshuarit është gjetur një armë, 5 fishekë, dhe 1 gëzhojë fisheku. Lidhur me rastin në Vushtrri janë arrestuar edhe dy të dyshuarit tjerë nën dyshimin se të njëjtit në bashkëveprim kanë kryer veprat penale të lartcekura. Me vendim të prokurorit, tre dyshuarit janë dërguar në mbajtje”, thuhet në raportin 24-orësh të PK-së./teve1.info/
