Policia e Kosovës, ka arrestuar tre persona pasi që të njëjtit dyshohet se kanë vjedhur mjete të punës të llojeve të ndryshme në Kamenicë, raporton teve1.info.
Nga S.K., 42-vjeçar, E.B., 23-vjeçar dhe L.S., 25-vjeçar, policia ka sekuestruar sendet e dyshuara të vjedhura të, cilat pas verifikimit Policia ka bërë me dije se do t’i kthehen pronarit.
ADVERTISEMENT
Sipas PK-së, arrestimi i tyre është bërë, pasi që dyshohet se në bashkëveprim kanë qenë të involvuar në veprën penale “Vjedhje e rëndë”, e cila ka ndodhur më 16 shkurt të këtij viti.
Në lidhje me këtë rast është njoftuar prokurori, i cili ka urdhëruar që ndaj të dyshuarve të ngritët kallëzim penal, dhe rasti të përcillet në Prokurorinë Themelore.
