Një përleshje fizike ka ndodhur sot në mëngjes në rrugën “Agim Ramadani” në Prishtinë, ku tre persona janë përfshirë në një rrahje.
Lajmin për Tëvë1 e ka konfirmuar zëdhënësi i Policisë së Kosovës për rajonin e Prishtinës, Enis Pllana, i cili tha se të gjithë personat e përfshirë janë shoqëruar në stacion policor, ndërsa njëri prej tyre ka pësuar lëndime trupore.
“Sot rreth orës 09:30 është pranuar informata për një rrahje në progres në rrugën ‘Agim Ramdani’ në Prishtinë. Me të marrë informatën, policia ka arritur në vendin e ngjarjes dhe ka shoqëruar 3 persona të cilët ishin të përfshirë në rast. Nga informacionet e para dyshohet që një person ka pësuar lëndime trupore dhe i njëjti ka pranuar tretman mjekësor. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, ka njoftuar policia.
