Policia e Kosovës ka arrestuar tre persona në Mitrovicë të Jugut për posedim dhe shpërnadraje të narkotikëve.
Ata janë arrestuar të mërkurën gjatë një aksioni të realizuar në lokacione në këtë komunë.
“Arrestimi i të dyshuarve është realizuar në dy lokacione në Mitrovicë. Gjatë kontrollit, tek të dyshuarit janë gjetur dhe sekuestruar 47 qese me substancë të dyshuar narkotike, me peshë të përgjithshme prej 40.84 gram. Me aktvendim të prokurorit kompetent, tre të dyshuarve u është caktuar masa e ndalimit policor , ndërsa hetimet lidhur me rastin janë duke vazhduar nga njësia përkatëse e DHTN-së”, ka njoftuar Policia./teve1.info/
