Të dyshuarit në lidhje me vjedhjen e xhevahireve të kurorës nga muzeu i Luvrit në Paris janë arrestuar, tha prokurori i Parisit të dielën.
Arrestimi vjen një javë pas grabitjes në muzeun më të vizituar në botë.
Prokurori tha se hetuesit i kryen arrestimet të shtunën në mbrëmje, duke shtuar se njëri nga burrat e ndaluar po përgatitej të largohej nga vendi nga Aeroporti i Roissy-t.
Mediat franceze BFM TV dhe gazeta Le Parisien raportuan më parë se dy të dyshuar ishin arrestuar dhe ishin marrë në paraburgim.
Prokurorja e Parisit Laure Beccuau nuk e konfirmoi numrin e arrestimeve dhe nuk tha nëse ishin gjetur bizhuteri.
Hajdutëve iu deshën më pak se tetë minuta për të vjedhur bizhuteri me vlerë 88 milionë euro (102 milionë dollarë) të dielën e kaluar në mëngjes.
