Hetuesit policorë për hetimin e krimit të organizuar dhe krimeve të rënda në bashkëpunim me Prokurorinë e Kosovës mbrëmë kanë realizuar operacionin për arrestimin e “Grupit të Organizuar Kriminal” të cilit kanë planifikuar “Vrasje” ndaj dy viktimave në Pejë.
Sipas njoftimit të policisë, pesë persona të dyshuar janë arrestuar D.R., R.B., SH.K., F.Q., dhe D.M. të cilët me vendim të prokurorit nga PSRK janë ndaluar për 48 orë.
“Gjatë zhvillimit të operacionit policor është zbatuar urdhër-kontrolli që është kryer në gjashtë lokacione të ndryshme, ku janë gjetur dhe sekuestruar armë të cilat do të përdoreshin për kryerjen e veprave penale si: granata dore, pushkë, revole dhe municion i kalibrave të ndryshëm. Përveç kësaj janë gjetur dhe sekuestruar një sasi e lendes narkotike, telefona celular si dhe dëshmi tjera materiale të cilat do të përdoren në procedurën penale ndaj të dyshuarve”, thuhet në komunikatën e policisë./teve1.info/
