Policia e Kosovës ka arrestuar gjashtë persona të dyshuar për implementim të një plani operativ.
Fillimisht, njësitë policore kanë siguruar informacione se në një parking në Prishtinë gjendet një veturë e dyshuar në të cilën ndodhet një armë e zjarri, me ç’rast zyrtarët policorë kanë reaguar dhe kanë shkuar në vendin e ngjarjes.
Policia në atë lokacion ka hasur në një rrahje mes disa personash.
Gjatë kontrollimit të veturës është gjetur dhe konfiskuar arma e zjarrit, si dhe te një i dyshuar është gjetur e konfiskuar një thikë dhe një fishek.
“Në lidhje me rastin është konsultuar prokurori kompetent ku ndaj personave të dyshuar të lartcekur janë iniciuar rastet ‘lëndim i rëndë trupor’ dhe ‘mbajtje në pronësi, kontroll ose posedim i paautorizuar i armëve’, ku 4 (katër) nga 6 (gjashtë) të dyshuarit janë dërguar në mbajtje, ndërsa 2 (dy) të tjerë janë liruar në procedurë të rregullt”, thuhet në njoftimin e Policisë së Kosovës./teve1.info/
