Policia e Kosovës ka arrestuar gjashtë persona në veri të Mitrovicës për veprën penale “Sulm ndaj personit zyrtar”.
Sipas PK-së të arrestuari ishin përfshirë në një rast përleshje mes tyre që ka ndodhur me datë 25.02.2025 në rrugë “Kral Petri” në Mitrovicë të Veriut, përkatësisht para kafenesë “Tre sheshira”.
Policia thotë se pas ndërhyrjes të arrestuarit kishin ofenduar dhe sulmuar policët ku tre prej tyre kanë pësuar lëndime trupore.
“Pas ndërhyrjes se njësisë patrulluese për ta ndaluar rrahjen te dyshuarit fillimisht i kanë ofenduar e më pas edhe i kanë sulmuar zyrtaret policor, ku tre (3) zyrtar policor kanë pësuar, lëndime trupore të cilët kanë pranuar trajtim mjekësor”, thuhet në komunikatë.
Policia ka bërë të ditur se pas dërgimit në stacionin policor të arrestuarëve u është bërë testi i alkooloit ku ka rezultuar se të njëjtit kanë qenë nën ndikimin e tij.
Me vendim të prokurorit ata janë ndaluar për 48 orë.
