Tri vajza kanë njoftuar policinë se janë sulmuar nga dy të tjera në një diskotekë në Prishtinë të premten.
Sipas policisë, të dyshuarat kanë goditur policen derisa po tentonin të iknin.
Policia ka bërë të ditur se njëra prej tyre është dërguar në mbajtje, kurse e dyshuara tjetër e mitur është liruar.
“Tri viktima femra kosovare, kanë raportuar se derisa kanë qenë në diskotekë janë sulmuar fizikisht nga dy femra kosovare. Të dyshuarat duke tentuar t’i shmangen arrestimit me veturën e tyre kanë goditur zyrtaren policore, të njëjta janë arrestuar dhe pas intervistimit me vendim të prokurorit, njëra prej tyre është dërguar në mbajtje ndërsa e dyshuar tjetër – e mitur është liruar”, thuhet në raportin e PK-së./teve1.info/
