Dy persona janë arrestuar të hënën, si të dyshuar për grabitjen që ndodhi më 8 gusht 2025 në rrugën “Besnik Lajqi” në Pejë.
Sipas Policisë së Kosovës, pas një pune intensive hetimore, hetuesit rajonalë kanë arritur të identifikojnë dhe të arrestojnë dy persona të dyshuar.
Ata janë intervistuar nga hetuesit në prani të avokatëve të mbrojtjes dhe punëtorëve të Qendrës për Punë Sociale.
Ndërkaq, pas intervistimit, dy të dyshuarit janë liruar në procedurë të rregullt me urdhër të prokurorit të Shtetit.
“Drejtoria Rajonale e Policisë nё Pejë, Stacioni Policor në Pejë, me datën 08.08.2025, rreth orës 06:20, është njoftuar se nё rrugën “Besnik Lajqi”, ka ndodhur një grabitje. Policia menjëherë i është përgjigjur rastit dhe me të arritur në vendngjarje viktima ka deklaruar se derisa ishte duke ecur ёshtё sulmuar nga tre persona tё cilёt i kanё shkaktuar lëndime trupore dhe tё njëjtit ia kanё grabitur telefonin celular dhe janё larguar nё drejtim tё panjohur”, thuhet në njoftim.
