Një person ka raportuar në polici se është sulmuar fizikisht brenda veturës së tij në magjistralen Ferizaj–Kaçanik, ku nën kërcënim i janë grabitur 3800 franga zvicerane dhe 800 euro.
Viktima ka marrë ndihmë mjekësore në Qendrën Emergjente në Ferizaj.
Policia e Kosovës thotë se lidhur me rastin janë identifikuar të dyshuarit M. Q., 21 vjeç, dhe A. R., 24 vjeç.
Më 26.12.2025, M. Q. u arrestua dhe pranoi veprën penale në prezencë të avokatit. Më 27.12.2025, u arrestua edhe A. R., nga i cili u sekuestruan një pjesë e parave dhe dy telefona mobil.
Prokurori ka caktuar masën e ndalimit 48 orë për të dyshuarit, dhe ndaj tyre është iniciuar kallëzimi penal për veprën “Grabitja”.
