Të njëjtit po dyshohet se kanë shitur ari të falsifikuar në vlerë prej 1 mijë e 450 euro.
Policia ka bërë të ditur se ka pranuar një ankesë nga një qytetar, i cili ka deklaruar se është mashtruar nga dy persona, të cilët i kanë ofruar ari të falsifikuar për shitje, raporton teve1.info
Pas raportimit Policia ka arritur në vendin e ngjarjes dhe kanë arritur të identifikojnë veturën e të dyshuarve.
Të dyshuarit janë ndalë në mbajtje për 48 orë.
“Janë ndërmarrë veprime operacionale në koordinim edhe me njësi tjera policore të kufirit dhe është arritur të ndalohet vetura me dy personat e dyshimtë në pikën e kalimit kufitar “Hani i Elezit”. Njësia e hetimeve, Stacioni Policor në Viti ka intervistuar dy të dyshuarit në prezencë të avokatëve mbrojtës dhe me urdhër të prokurorit të dyshuarit E.B 1955 shtetas i Maqedonisë Veriore dhe T.S shtetas i Maqedonise Veriore 1946 janë ndalë në mbajtje për 48 orë”, thuhet në njoftim.
