Njësiti FAST-ILECU, ka arrestuar dy persona me urdhër-arrest ndërkombëtar.
Në rastin e parë është arrestuar shtetasi polak, i kërkuar në bazë të letër-rreshtimit ndërkombëtar (Red-Notice-Interpol), të lëshuar nga autoritet e Polonisë.
Me urdhër të prokurorit kompetent të Prokurorisë Themelore-Prishtinë, personi i kërkuar është dërguar në mbajtje.
Ndërkohë, sot është arrestuar personi i kërkuar në bazë të letër-rreshtimit ndërkombëtar, lëshuar nga autoritet e Turqisë, i cili me urdhër të prokurorit është dërguar në mbajtje.
“Në të dyja rastet do të vazhdojnë procedurat e parapara për rastet kur realizohen arrestime me urdhër-arrest ndërkombëtar”, thuhet në njoftim të policisë./teve1.info/
