Policia e Kosovës të enjten i ka arrestuar dy persona të moshës 22 dhe 21 vjeçare në Kaçanik, të dyshuar për në një rast të grabitjes në një pikë karburanti.
Sipas njoftimit të Policisë, lidhur me rastin hetuesit rajonal kanë bastisur dy lokacione ku kanë gjetur konfiskuar 3 armë zjarri, 2 pushkë automatike, 1 pistoletë, sasi e municionit, karikatorë, një radiolidhje, sasi e narkotikëve, një shufër metalike, dorëza, maskë, telefona, me të cilën dyshohet se është kryer grabitja.
Me vendim të prokurorit të dyshuarit janë ndaluar në mbajtje për 48 orë, rasti është cilësuar “Grabitje dhe armëmbajtje pa leje”.
“Me datën 26.10.2023 rreth orës 04:55 policia rajonale e Ferizajt ka pranuar një informacion, se në rrugën magjistrale Ferizaj-Kaçanik, në hyrje të Kaçanikut në një pikë karburanti është një rast i grabitjes së armatosur”, thuhet në njoftim.
