Dy persona janë arrestuar në Prizren nën dyshimin se kanë kryer veprën penale “Fajde”.
Sipas raportit të Policia e Kosovës, të dyshuarit i kanë kërkuar një burri kamatë mujore prej 100 për qind.
“Më 19.02.2026 janë arrestuar dy të dyshuar meshkuj kosovarë nën dyshimin e bazuar se kanë kryer veprën e lartcekur, duke i ngarkuar kamatë mujore prej 100% ndaj viktimës mashkull kosovar”, thuhet në raportin policor.
Me vendim të prokurorit, të dyshuarit janë dërguar në mbajtje, ndërsa rasti është duke u trajtuar nga organet kompetente.
