Janë arrestuar dy persona në Jarinjë, të cilët me pasaporta ruse kanë tentuar të hyjnë në territorin e Kosovës.
Sipas Policisë, ata nuk kishin viza të Republikës së Kosovës dhe të njëjtit kanë ardhur nga Nishi i Serbisë.
Me vendim të prokurorit të dyshuarit janë dërguar në mbajtje.
“SPK Jarinje 05.05.2024-20:10. Raportohet se në dalje në SPK Jarinje janë hasur dy persona me pasaporta ruse (një mashkull dhe një femer) të cilet nuk kishin viza të Republikës së Kosovës. Pas verifikimit të personave, të njejtit nuk kishin hyrje/dalje në Republiken e Kosovës. Sipas tyre, të njejtit kanë ardhe nga Nishi i Serbsë dhe kanë përfunduar në SPK Jarinje, dyshohet se kanë ardhur rrugëve ilegale. Me vendim të prokurorit dy të dyshuarit dërgohen në mbajtje”, thuhet në raportin 24-orësh të Policisë së Kosovës. /teve1.info/
