Policia e Kosovës ka arrestuar B.G. (viti i lindjes 1988, mashkull kosovar shqiptar) dhe A.S. (viti i lindjes 1983, mashkull kosovar shqiptar), në Gjilan, nën dyshimin për vjedhje të rëndë.
Të njëjtit dyshohet se me 9 janar në një objekt banimi në Gjilan kanë vjedhur një shumë të madhe parash, bizhuteri e gjësende të tjera.
“Pas arrestimit të dyshuarit janë intervistuar në prani të avokatëve mbrojtës. Në lidhje me rastin është njoftuar Prokurori i Shtetit i cili ndaj të dyshuarve ka lëshuar masën e ndalimit për 48 orë dhe rasti me kallëzim penal do të përcillet në Prokurorinë Themelore”, thuhet në njoftimin e policisë.
