Policia e Kosovës ka arrestuar dy persona në Ferizaj të cilët ishin përfshirë një konflikt.
Sipas Policisë A.S 29-vjeç i ka shkaktuar lëndime trupore E.V, i cili ka pranuar trajtim mjekësor në Qendrën Emergjente në Ferizaj.
“Në lidhje me këtë policët rendit e më pas policët hetues menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personat A.S (M/K) i moshës 29 vjeçar dhe E.V (M/K) i moshës 27 vjeçar, të cilët shkak i një mosmarrëveshje dyshohet se A.S i kishte shkaktuar lëndime trupore E.V i cili për ndihmë mjekësore ishte dërguar në Qendrën Emergjente në Ferizaj”, thuhet në njoftimin e PK-së.
Policia ka njoftuar se dy të arrestuarit kanë qenë nën ndikimin e alkoolit
“Policia të dyshuarit i ka shoqëruar në stacionin e policisë në Ferizaj dhe pasi janë testuar me alkooltest kanë rezultuar se janë nën ndikimin e alkoolit, ndërsa me vendim të prokurorit kujdestar nga Prokuroria Themelore në Ferizaj, dy të dyshuarit e kësaj ngjarje janë dërguar në mbajtje për 48 orë për procedura të mëtejme hetimore, ndërsa rasti është cilësuar ” Lëndim i lehtë trupor dhe kansoje “. Policia ka gjetur e më pas ka konfiskuar një mjet të mprehtë ( thikë) e cila dyshohet se është përdorur në këtë rast”, njofton PK.
