Dy gra janë arrestuar të dielën nën dyshimin se në cilësinë e vizitoreve kanë tentuar të fusin substanca narkotike brenda Qendrës Korrektuese në Dubravë.
Sipas Policisë gjatë kontrollit të një xhakete e cila është hapur në prezencë të të dyshuarave dhe avokatëve mbrojtës janë gjetur dhe sekuestruar një sasi prej 122.3 gramë substancë e dyshuar narkotike e llojit marihuanë.
Të dyshuarat thuhet se pas intervistimit me urdhër të prokurorit janë liruar në procedurë të rregullt.
“Është arrestuar e dyshuara femër kosovare për shkak se e njëjta në cilësi të vizitores ka tentuar të fus brenda Qendrës Korrektuese substanca narkotike. Gjithashtu në cilësi të personit të përfshirë në rast është arrestuar edhe një tjetër e dyshuar femër kosovare. Gjatë kontrollit të një xhakete e cila është hapur në prezencë të të dyshuarave dhe avokatëve mbrojtës janë gjetur dhe sekuestruar një sasi prej 122.3 gramë substancë e dyshuar narkotike e llojit marihuanë. Të dyshuarat pas intervistimit me urdhër të prokurorit janë liruar në procedurë të rregullt”, thuhet në raportin e PK-së./teve1.info/
