Arrestohen babë e djalë në Prishtinë, sulmuan fizikisht njëri-tjetrin

Babë e djalë janë arrestuar të premten në Prishtinë, pasi që të njëjtit pas një mosmarrëveshje verbale kanë sulmuar fizikisht njëri-tjetrin.

Policia ka bërë të ditur se të njëjtit kanë pranuar tretman mjekësor.

Tutje, thuhet se me urdhër të prokurorit të dyshuarit pas intervistimit janë liruar në procedurë të rregullt.

“Prishtinë 15.11.2024 – 17:00. Është raportuar se dy të dyshuarit meshkuj kosovarë (babë e djalë) pas një mosmarrëveshje verbale, kishin sulmuar fizikisht njëri-tjetrin dhe si pasojë të dy kanë pranuar tretman mjekësor. Me urdhër të prokurorit të dyshuarit pas intervistimit lirohen në procedurë të rregullt”, thuhet në raport./teve1.info/