Policia e Kosovës ka njoftuar për një rast të dhunës në familje që ka ndodhur të shtunën në Istog.
Sipas raportit policor, babë e bir janë përleshur mes vete pas një mosmarrëveshjeje që kanë pasur.
Të njëjtit pas marrjes së trajtimit mjekësor bëhet e ditur se janë dërguar në stacion, ku pas intervistimit të tyre djali është dërguar në mbajtje, ndërsa babai është liruar.
“Janë arrestuar dy të dyshuar meshkuj kosovarë (babë e bir), për shkak se pas një mosmarrëveshje janë përleshur ndërmjet vete. Pas trajtimit mjekësor të dyshuarit janë sjellë në stacion dhe pas intervistimit njëri prej të dyshuarve (djali) është dërguar në mbajtje, ndërsa i dyshuari tjetër (babai) është liruar në procedurë të rregullt”, thuhet në raportin 24-orësh të Policisë./teve1.info/
