6 efektivë policie të portit të Durrësit janë arrestuar me vendim të gjykatës që i la në arrest me burg. Të ndaluarit janë me detyrë inspektorë të moshave nga 30 në 60 vjeç.
Ata akuzohen se lejonin hyrje-dalje të shtetasve të cilët kishin ndalesa për udhëtimin në zonën Shengen në këmbim të vlerave monetare, të cilat varionin nga 5 deri në 100 euro.
Lajmi është konfirmuar nga Agjencia e Mbikëqyrjes Policore
Madje në disa raste kishin lejuar kalimin edhe për persona të shpallur në kërkim nga organet e drejtësisë apo të automjeteve që nuk i nënshtroheshin regjimit doganor.
Efektivët akuzohen për korrupsion dhe shpërdorim detyre ndërsa procedim në gjendje të lirë ka nisur edhe për 20 shtetas.
Të arrestuarit:
1- Inspektor Kalosh Sula 57 vjeç, me detyrë kontrollor në Stacionin e Policisë P.K.K.-Port Durrës
2- Inspektor Luan Çelaj 32 vjeç, me detyrë kontrollor në Stacionin e Policisë P.K.K.-Port Durrës
3- Inspektor Marsel Farruku 30 vjeç, me detyrë kontrollor në Stacionin e Policisë P.K.K.-Port Durrës
4- Inspektor Naim Kadrimi 60 vjeç, me detyrë kontrollor në Stacionin e Policisë P.K.K.-Port Durrës
5- Inspektor Isametin Vranezi 28 vjeç, me detyrë kontrollor në Stacionin e Policisë P.K.K.-Port Durrës
6- Inspektor Eduart Matmuja 48 vjeç, me detyrë kontrollor në Stacionin e Policisë P.K.K.-Port Durrës
