Arrestimi i ish-kryeshefit të Agjencisë Kosovare të Intelegjencës, Bashkim Smakaj vlerësohet se nuk do ta dëmtojë këtë institucion.
Në fund të tetorit të vitit të kaluar, pjesëtarë të EULEX-it kryen bastisje në shtëpinë e ish-kryeshefit të Agjencisë Kosovare të Inteligjencës, Bashkim Smakaj.
Aty u konfiskuan prova të ndryshme materiale, për të cilat avokati tha se mund të jenë të ndjeshme për shkak të pozitës që ka bartur klienti i tij.
E pas më shumë se një viti, Smakaj u arrestua të enjten nga Gjykata Speciale e të premten u nisë drejt Hagës.
Nga Komisioni mbikqyrës i AKI-së shprehën besim se Smakaj nuk do ta dëmtojë asnjëherë institucionin e AKI-së.
E njohësi i çështjeve të sigurisë, Bedri Elezi thotë se mënyra e arrestimit të Smakajt nuk ka qenë e duhura nga Specialja.
“Të kemi një ndikim në vetë sigurinë apo ndjeshmërinë që ka me institucionet e sigurisë ky rast unë besoj që nuk kemi një gjë të tillë. E para sepse Gjykata Speciale ka një mandat nga Kuvendi i RKS, të gjithë të angazhuarit kanë leje të sigurisë lokale dhe ndërkombëtare, me çka nuk do të ka mundësi që të kemi një ndikim apo një dëmtim sa i përket organizimit të sigurisë ose çështjeve që kanë të bëjnë me materiale të klasifikuara ose diçka të ngjashme”, tha njohësi i sigurisë, Bedri Elezi.
Përveç Smakajt, të premten në Hagë u nisën edhe Isni Kilaj dhe Fadil Fazliu.
