Portieri i Kombëtares së Kosovës, Arijanet Muriq sërish ka zënë vend në formacionin e javës në Premier League.
Muriq është përfshirë në ekipin më të mirë të xhiros së 35-të dhe është përfaqësuesi i vetëm i skuadrës së Burnleyt në këtë formacion.
Ai ishte më i vlerësuari në barazimin e Burnleyt 1:1 në udhëtim te skuadra e Manchester Unitedit pas paraqitjes fantastike që e pati në këtë përballje.
Në fakt, Muriq ishte më i merituari për pikën e fituar të Burnleyt pasi gjatë ndeshjes pati hiq më pak se nëntë pritje, ndërsa kjo ishte paraqitja e tij e shtatë këtë edicion në elitën e futbollit të Anglisë.
Me pikën e fituar ndaj Manchester Unitedit, Burnley mbetet në garë për mbijetesë kur kanë mbetur edhe tri xhiro deri në fund të edicionit.
Aktualisht, Burnley është i parafundit në tabelë me 24 pikë të mbledhura, dy më pak se Nottingham Foresti që është i 17-ti, pozitë kjo që siguron mbetjen në Premier League edhe për edicionin tjetër.
