Me kallashnikovë në Suhareke të mërkurën u vodhën rreth 250 mijë euro vlerë e arit.
Personat e maskuar në duart e tyre posedoni armët të llojeve të ndryshme.
E në të njëjtën ditë, në Prizren e në Prishtinë nga persona të ndryshëm u përdorën granatë dore.
Problematike për sigurinë për shihet përdorimi i këtyre armëve, teksa nga Policia e Kosovës bëhet e ditur se mbi një mijë armë janë konfiskuar vitin e kaluar.
“Numri i armëve të konfiskuara në vitin 2022 është 1,473 kurse numri i municionit të konfiskuar është 29,903. Numri i armëve të konfiskuara nga janari deri ne korrik është 636, kurse numri municionit të konfiskuara është 9531”, bën të ditur Policia.
E këto shifra të larta të armëve pa leje, sipas ekspertit të sigurisë, Fadil Kajtazi paraqesin kërcenim për sigurinë në vend.
Kajtazi tregon se nga mund t’i kenë marrë këto armë qytetarët në Kosovë.
E shqetësuese sipas sociologes, Bleona Kurteshi, është se shteti nuk i ka nën kontroll këto armë.
Dënimi për armëmbajtje pa leje përcaktohet sipas Kodit Penal të Kosovës. Ky kod parasheh gjobë deri në 7,500 euro ose dënim me burg deri në pesë vjet për armëmbajtje pa leje.
