Katari ka konfirmuar se armëpushimi do të zgjatet me një ditë, pikërisht në momentin që do të përfundonte “pauza humanitare” gjashtëditore në Gaza.
“Palët palestineze dhe izraelite arritën një marrëveshje për zgjatjen e armëpushimit humanitar në Rripin e Gazës për një ditë shtesë në të njëjtat kushte të mëparshme, që janë armëpushimi dhe hyrja e ndihmave humanitare, në kuadër të ndërmjetësimit të përbashkët të shtetit të Katarit. ”, tha në një deklaratë zëdhënësi i Ministrisë së Punëve të Jashtme të Katarit, Majed al-Ansari, raporton Al Jazeera.
Al-Ansari konfirmoi se po vazhdojnë përpjekjet me synimin për arritjen e një armëpushimi të përhershëm në Rripin e Gazës.
