Mbrëmë në Big Brother Fan Club, ku është diskutuar përkatër finalistët.
Aktorja Arjola Demiri e cila ka qenë e eliminuara e gjysmëfinales, ka qenë e ftuar në studio për të diskutuar mbi eksperiencën e saj brenda shtëpisë si dhe banorëve finalistë.
Ajo bëri disa deklarata të forta lidhur me aktorin Donald Veshaj, gjatë një debati të fortë me kantautorin Elgit Doda, i cili gjithashtu ishte i ftuar në cilësinë e mikut të ngushtë të aktorit.
“Unë po flas për këto katër muaj e 32 ditë, Donaldi ka pasur super strategji dhe miqtë i ka përdorur që të gjithë për suksesin dhe famën e vet sepse është i etur për sukses”, tha Demiri.
Insistuar nga moderatorja Dojan Mema, aktorja tropojanë përmendi rastet konkrete kur sipas saj aktori ka përdorur strategji.
“Ka disa raste që Donaldi ka dalë nga strategjia e vet, ka mbrojtur Semin me fanatizmin, me heroizmin, unë ia kam shkruar shumë herë dhe i kam thënë: ‘Ti në këtë spektakël ke dashur të bëhesh hero’, ka përdorur çdo lloj guri, çdo lloj gjëje, duke ia nisur që me Borën, që me Trixën, që me Sarën, me Semin, me Antonelën me të gjitha, edhe me Egzonën – ka bërë heorin e të gjithave për të dalë në syrin e publikut”, ka thënë Arjola.
