Ai thotë se kjo vizitë është edhe një lloj “shpërblimi” për krerët e shtetit pas arritjes së një marrëveshje për energjinë me Serbinë.
“Pikërisht takimi i sotëm në State Department mendoj që është ndryshim i pozicionit 100 për qind i Kurtit dhe Osmanit dhe pikërisht dytë i kanë takuar të njëjtën kohë… Sidoqoftë takimi i sotëm është një lloj shpërblimi për arritjen e marrëveshjes për energjinë sepse atje nuk ishte mundur të shkohej pa marrëveshje”, tha ai.
Tutje, Arifi në “Këndin e Debatit” në Tëvë 1 theksoi se gjatë takimit krerët e shtetit do të marrin instruksione për marrëveshjen për të pagjeturit, duke shtuar se kështu shkohet drejt marrëveshjes finale.
“E dyta do të marrin instruksione apo detyra dhe obligime Qeveria për të pagjeturit duhet të bëhet e pamundur të përfundojë… Mendoj që për të pagjeturit do të jetë marrëveshja e radhës mandej pritet të shkohet në marrëveshjen finale”, shtoi ai.
Por, sipas tij, para se të arrihet deri te marrëveshja finale me Serbinë, Kosova duhet t’i përmbushë disa obligime ndërkombëtare, duke përmendur formimin e Asociacionit të komunave serbe.
“Para se të shkohet në marrëveshjen finale, Kosova e ka një obligim ndërkombëtar që është Asociacioni nëse ju kujtohet Lajçak çka ka thënë dhe ambasadori amerikan sepse ai e përcjellë lajmin e State Departmentit. Ai ka thënë duheni me qenë kreativ por pa e shkelur dhe cenuar Kushtetutën e Kosovës që i bie një Asociacion do të bëhet në çfarë forme mbetet Qeveria se si do ta implementojë”, tha ai./teve1.info/