Arifi në emisionin “Ditari” në Tëvë1, ka thënë se për të parën herë po veprohet që në Luginën e Preshevës të garojnë dy lista shqiptare për zgjedhjet parlamentare në Serbi.
Ai madje ka kritikuar ish-deputetin shqiptar në Kuvendin e Serbisë, Shaip Kamberin për ndarjen në dy lista shqiptare.
“Është një garë e cila po veprohet për të parën herë në luginën e Preshevës qysh nga pjesëmarrja e parë për zgjedhjet parlamentare në Serbi që i kemi dy lista shqiptare. Historia se si ka ardhur deri te dy listat shqiptare është e gjatë por edhe e thjesht është një situatë që është krijuar nga vetëbesimi i tepërt apo edhe nga egoja që e ka shfaq ish-deputeti Shaip Kamberi dhe kështu kemi mbetur dy lista dhe kjo është e kaluar dhe tani jemi të koncentruar që të kalojmë kampanjën sa më mirë dhe të garojmë. Në këtë fazë të organizimit jemi dhe komplet e kemi fokusin aty”, ka thënë Arifi.
Ai thotë se në deri më tani sipas sondazheve ka dal fitues.
“Unë personalisht kjo është e 7 herë që marrë pjesë në zgjedhje në përgjithësi në komunë e Preshevës, 6 herë kemi dal fitues dhe sipas gjitha parametrave dhe sondazheve të cilat i kemi do të dalim prapë fitues dhe kështu që në këtë kontest na intereson ta fitojmë mandatin dhe t’i motivojmë qytetarët që të dalin të na votojnë”, ka thënë Arifi.
Sipas tij, Kamberi e ka treguar vetën ku i ka përçarë dy lista shqiptare atje.
“Nuk më intereson më shumë kundërshtarin dhe ai e ka treguar vetën ku i ka përçarë në dy lista dhe tash është momenti që qytetarët tanë ta dënojnë atë veprim”, tha më tej Arifi. /teve1.info/
