Kryetari i Komunës së Preshevës, Shqiprim Arifi, në lidhje direkte nga ShBA tregon detaje se çfarë diskutoi me emisarin ndihmësin e Sekretarit të Shtetit dhe i dërguar i posaçëm i SHBA-ve për Ballkanin Perëndimor, Gabriel Escobar.
Arifi, thotë se me Escobar kanë diskutuar rreth situatës së dialogut dhe përfshirën e shqiptarëve të Luginës së Preshevës.
“Me Escobar jam njoftuar lidhur mes situatën, të cilën ne jemi duke e kaluar në kuadër të dialogut si shqiptarët e Luginës së Preshevës që jemi peng dhe jemi viktimë e këtij dialogu. E njoftuam edhe për kërkesat tona konkrete, të cilat kanë qenë sidomos ato që kanë të bëjnë me stopimin apo lotimi i Shteteve të Bashkuara që ta stopoj pasivisimin e shqiptarëve, pasi që ajo prek drejt në të drejtat themelore, njerëzore dhe prek drejt qenien tonë kombëtare në Luginë të Preshevës. Kjo ka qenë ndër pikat kryesore, gjithashtu kemi diskutuar edhe rreth situatës që krijohet tek dialogu”, tha ai në emisionin “Ditari” në Tëvë1.
Sipas Arifit, kërkesa që shqiptarët e Luginës të inkuadrohen në dialog nuk merret më parasysh.
“I gjithë aparati shtetëror amerikan nuk janë në gatishmëri të lartë për të inkuadruar edhe një problematikë shtesë në dialog, i cili ka plot problematike të tjera. Këtu është një problem, sepse kërkesa jonë shumëvjeçare ka qenë ajo pikërisht që ne të jemi pjesë e dialogut edhe si temë, por viteve të fundit kjo kërkesë nuk merret më parasysh, sepse dialogu ngarkohet me çështje të tjera shtesë”, shtoi ai./teve1.info/
