Sot, mbrojtja e ish-udhëheqësve të UÇK-së në Hagë ka turpëruar Evropën dhe Shtetet e Bashkuara të Amerikës. Vlerësoi kështu, politologu, Dritëro Arifi.
Paraqitjen e mbrojtjes sot ndaj Hashim Thaçit, Kadri Veselit, Rexhep Selimit dhe Jakup Krasniqit, politologu Arifi e konsideroi si një betejë të fituar për Kosovën.
“Sot, mbrojtja e UÇK-së e ka turpëruar Evropën dhe Shtetet e Bashkuara të Amerikës. Sepse ShBA-ja është insistuesja më e madhe për t’u formuar kjo gjykatë. Krejt inicimi i kësaj iniciative politike, është nisur pikërisht nga një raport që të gjithë e kanë ditur se është financuar nga serbët dhe rusët. Sot, ka qenë një fitore për Kosovën, një betejë e fituar por e vogël, njëkohësisht shumë e rëndësishme. Por, turpi i bien Evropës dhe ShBA-së”, tha Arifi në emisionin “Këndi i Debatit” në Tëvë1.
Andaj, Arifi thotë se Evropa ka rënë në grackën e vet dhe për fat të keq, Kosova po e paguan shumë./teve1.info/.
