Sipas tij, lufta politike për njerëzit që do të votohen për këtë Bord është e pakompromis, për shkak të rëndësisë së këtij organi.
“Fajtori kryesor për këtë është politika, konkretisht Qeveria dhe Kuvendi. Pra, sepse ky organ, procedurat e përzgjedhjes fillojnë nga qeveria dhe përfundojnë në Kuvendin e Republikës së Kosovës, ndërsa të dy këto institucione kanë dështuar që me kohë këta anëtarë të bordit t’i sjellin në vendin e tyre të punës, pra ta funksionalizojnë Bordin e OSHP- së”, ka thënë Arifi për emisionin “De Jure” në Tëvë1 dhe “Betimi për Drejtësi”.
Arifi ka shtuar se edhe pse është hapur konkursi për zgjedhjen e drejtorit dhe katër anëtarëve të tjerë për Bordin e OSHP-së, qeveria po ecën me hapa shumë të ngadaltë.
“Qeveria sillet sikur atje janë disa anëtarë të Bordit duke punuar dhe vetëm këta të rinjtë do t’i zëvendësojnë ata. Pra, nuk kemi një shqetësim për pasojat që janë shumë të medha dhe janë të paparashikueshme në terren. Mendoj se edhe Qeveria dhe Kuvendi janë mjaftueshëm të informuar dhe kanë njohuri për pasojat që janë krijua dhe që do t’i shkaktojë mosprezenca ose mosfunksionalizimi i Bordit të OSHP-së”, ka thënë ai.
Për më shumë ndiqeni hulumtimin “Lufta politike” për gjykatën e tenderëve, i cili po transmetohet në “Tëvë1” dhe “Betimi për Drejtësi”./Tëvë1/
