Arifi në emisionin “Ditari” në Tëvë1, ka thënë se BE-ja është vonuar në integrimin e Ballkanit Perëndimor.
Sipas tij, politikat e zgjerimit në BE nuk kanë qenë shumë të qarta në kuptimin e asaj se cilat shtete meritojnë vërtet të hyjnë në Bashkimin Evropian.
“Po, nga aspekti i konfliktit në Rusi është e vërtetët që vëmendja është jashtëzakonisht e shtuar për rajonin e Ballkanit Perëndimor për shkak se vendet e BE dhe SHBA kanë frikë që Ballkani Perëndimor është jashtëzakonisht fragjil dhe mund të ketë tentativa që të destabilizohen disa shtete dhe kjo do ta dëmtonte shumë NATO-n dhe BE-në. Por BE-ja është vonuar shumë në integrimin e Ballkanit Perëndimor ndoshta jo vetëm për fajin e tij por për fajin e asaj që politikat e zgjerimit në BE nuk kanë qenë shumë të qarta në kuptimin e asaj se cilat shtet meritojnë vërtetë se si duhet ecur tutje e çka është e rëndësishme çka parimore”.
Sipas tij, në vazhdim do të ketë më shumë kërkesa që liderët e Ballkanit Perëndimor të shkojnë në Bruksel.
“Nuk i kanë shiku siç është rasti me Ukrainën sepse nuk është pushtuar tash por në 2014 dhe BE i ka mbyll sytë nga ajo krizë dhe tash jemi para një akti të kryer dhe tash jemi nga frika që mos të zgjerohet konflikti dhe vëmendja do të shtohet dhe ditëve në vazhdim do të kemi më shumë kërkesa për me shku liderët e Ballkanit Perëndimor në Bruksel për ta gjetë një zgjidhje, një rruge të sigurt që Ballkani Perëndimor të jetë pjesë e veprimeve të politikës së jashtme”, tha Arifi. /teve1.info/
