Mesfushori i Kombëtares së Zvicrës, Ardon Jashari, ka folur për shumëçka në konferencën e tij të parë si lojtar i Milanit.
Nga Milani, te interesimi i Interit, trajneri Allegri dhe idhulli i tij, Pirlo, 23-vjeçari ishte i hapur për të gjitha.
“Që i vogël e kam pasur idhull Pirlon. Isha i magjepsur nga loja e Milanit dhe Barcelonës, i ndiqja me pasion. Është e jashtëzakonshme. “Dua ta falënderoj trajnerin Allegri për fjalët e bukura që më tha pas ndeshjes miqësore në Dublin. Tani dua ta justifikoj besimin me paraqitje të mira.”
Mesazhi i tij ishte i qartë: “E rëndësishme është të mos pësojmë gola, por natyrisht, dua të shënoj dhe të asistoj gjithashtu.”
Gjatë konferencës, Jashari shkaktoi edhe të qeshura, kur u pyet për një interesim të mundshëm nga rivalët e Interit: “Interi ishte i interesuar për mua? Jo, unë doja vetëm Milanin”.
Ai zbuloi gjithashtu rolin që ka luajtur Zlatan Ibrahimoviq në këtë transferim: “I thashë Zlatanit: do të bëj gjithçka për të veshur këtë fanellë.”
