Basketbollistja e Bashkimit, Arbnore Përquku është shpallur “MVP” e xhiros së 17-të në Superligën e femrave, ka njoftuar Federata e Basketbollit të Kosovës (FBK), të hënën.
Përquku pati paraqitje të jashtëzakonshme në fitoren e Bashkimit ndaj Pejës 03, duke e mbyllur ndeshjen me “triple-double” prej 20 pikëve, 12 kërcimeve e 10 asistimeve.
Përquku ka zënë vend edhe në “Top 5”, ku është përfshirë edhe lojtarja tjetër e Bashkimit, Brooque Williams që pati 21 pikë, 8 kërcime e 7 asistime.
Tiffany Brown e Besjana Martinaj të Prishtinës ka zënë vend në pesëshen më të mirë, si dhe Vivian Woo e Trepçës.
Brown regjistroi 23 pikë, 9 kërcime e 7 asistime kurse Martinaj shtoi 18 pikë, 8 kërcime e 3 asistime në fitoren ndaj Penzës.
Ndërkohë, Woo kontribuoi me 33 pikë, 13 kërcime e 5 asistime në fitoren ndaj Junior 03.
